Քանի որ խ․ ե․ կենդանիների սպանդի և տեղափոխության հաշվետվությունները ոչ լիարժեք են հաղորդվում և ներմուծվում ԱՆԻ ՊԱՍ համակարգ, ՀՀ ԷՆ որոշում կայացրեց 2024 թ-ի սկզբին իրականացնել ԿՀՀ համակարգի մոնիտորինգ ՀՀ բոլոր ֆերմաներում։ 2024թ մայիսից մեկնարկեց «Կենդանիների համարակալում և հաշվառում» ծրագրի մոնիտորինգային ընթացքը ամբողջ հանրապետության տարածքում։ Այն իրականացվեց ՀՀ Էկոնոմիկայի նախարարության, ՀՀ ԷՆ «Գյուղատնտեսական ծառայությունների կենտրոն» ՊՈԱԿ-ի և ՔԱՐԴ հիմնադրամի համատեղ ուժերով։
ՀՀ ԳԾԿ ՊՈԱԿ-ի անասնաբույժները համաճարակաբանների վերահսկողությամբ իրականացրեցին խ․ ե․ կենդանիների հաշվառում և տվյալների մուտքագրում նախապես ԱՆԻ ՊԱՍ-ից դուրս բերված և տպագրված գրանցամատյաններում։ Այնուհետև թարմացված տվյալները մուտքագրվեցին ԱՆԻ ՊԱՍ էլեկտրոնային համակարգ։
Հսկայական ծավալով հավաքագրված տեղեկատվության մուտքագրման համար ներգրավվեցին ուսանողներ ՀՀ Ազգային Ագրարային համալսարանի անասնաբուժական բժշկագիտության և անասնաբուծության ֆակուլտետից։ Այն նաև շատ լավ հնարավորություն է ուսանողների համար ծանոթանալու ԿՀՀ համակարգի և ԱՆԻ ՊԱՍ էլեկտրանային տվյալների համակարգի հետ։
Ծրագրի ֆինանսական և տեխնիկական աջակցությունը տրամադրվում է Ավստրիական զարգացման գործակալության կողմից՝ CARD հիմնադրամի միջոցով:
